A A A

Rausnarleg gjöf til sjúkrahússins á Patreksfirđi

19.08 2019 | Ragnheiđur Eiríksdóttir

Þriðjudaginn 20. ágúst fer fram afhending gjafa til Sjúkrahússins á Patreksfirði þar sem afhent verða margvísleg ný tæki, búnaður og áhöld eða tíu sjúkrarúm ásamt fylgihlutum, ómskoðunartæki, æðarsjá, lífsmarksmælir, sprautudæla, súrefnissía, loftdýna, sogdæla og TNT hjartamælir. Gefendur eru Styrktarsjóður Heilbrigðisstofnunar Vestur-Barðastrandarsýslu, Kvenfélagið Sif og Slysavarnardeildin Unnur, bæði á Patreksfirði. Verðmæti gjafanna er rúmar 11 milljónir króna.

 

Styrktarsjóður Heilbrigðisstofnunar Vestur-Barðastrandarsýslu er dánargjöf Einars B. Bjarnasonar frá Hreggstöðum og starfar sjóðurinn samkvæmt skipulagsskrá frá árinu 1992 með því markmiði:

..að efla og styrkja heilbrigðisþjónustu í Vestur-Barðastrandarsýslu við Sjúkrahúsið Patreksfirði, Heilsugæslustöðina Patreksfirði, Heilugæslustöðina Bíldudal og aðrar heilbrigðisstofnanir eða heilbrigðissstarfsemi sem á fót kunna að verða settar í sýslunni, með tækjakaupum eða á annan hátt.“

 

Dagskrá afhendingarinnar verður þannig:

Kl. 13:00-14:30

Fundur framkvæmdastjórnar Heilbrigðisstofnunar Vestfjarða

Kl. 14:30-15:30

Gjafir afhentar

Gestir boðnir velkomnir: Þórir Sveinsson, fjármálastjóri.

Ávarp: Úlfar Thoroddsen. Erindi um Einar B. Bjarnason frá Hreggstöðum, dánargjöf hans og tilurð Styrktarsjóðs Heilbrigðisstofnunar Vestur-Barðastrandarsýslu.

Ávarp: Fulltrúi félagasamtaka sem gáfu til verkefnisins.

Ávarp: Iða Marsibil Jónsdóttir, formaður stjórnar Styrktarsjóðs heilbrigðisstofnunar Vestur-Barðastradarsýslu.

Ávarp: Gylfi Ólafsson, forstjóri Heilbrigðisstofnunar Vestfjarða.

Kl. 15:30:

Kaffiveitingar

Hrannar Örn ráđinn fjármálastjóri Heilbrigđisstofnunar Vestfjarđa

30.07 2019 | Gylfi Ólafsson
Hrannar Örn Hrannarsson
Hrannar Örn Hrannarsson

Hrannar Örn Hrannarsson hefur verið ráðinn fjármálastjóri Heilbrigðisstofnunar Vestfjarða.

 

Hrannar er fæddur árið 1967. Hann er með cand. oecon. próf í viðskiptafræði frá HÍ 1992 og MBA frá Háskólanum í Reykjavík 2017. Hann starfaði síðast sem deildarstjóri áhættu- og fjárstýringar hjá N1 hf. og þar áður meðal annars sem fjárreiðustjóri hjá Granda hf.

 

Átta sóttu um stöðuna sem auglýst var í upphafi sumars og voru viðtöl tekin við fjóra umsækjendur. Hrannar uppfyllir allar kröfur sem settar voru í auglýsingu og meira til.

 

Hrannar hefur störf á næstu vikum og tekur við af Þóri Sveinssyni sem sest í helgan stein eftir langan feril hjá sveitarfélögum og ríkisstofnunum.

 

„Stofnunin er á mikilli uppleið, meðal annars hvað varðar innra starf og starfsanda. Hrannar mun sem fjármálastjóri og hluti af framkvæmdastjórn leika stórt hlutverk í áframhaldandi framþróun,“ segir Gylfi Ólafsson forstjóri. „Þóri Sveinssyni þakka ég fyrir samstarfið.“

Heilbrigđisráđherra kynnir heilbrigđisstefnu til 2030 á opnum fundi á Ísafirđi 18. júní

14.06 2019 | Ragnheiđur Eiríksdóttir

Heilbrigðisráðuneytið hefur lagt fram nýja heilbrigðisstefnu fyrir íslensku þjóðina til ársins 2030. Stefnan verður kynnt á opnum fundum í öllum heilbrigðisumdæmum landsins á næstunni. Þriðjudaginn 18. júní kl. 17 verður fundur haldinn í fundarsal hjúkrunarheimilisins Eyri á Ísafirði.

 

Fjallað verður um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða í dreifðari byggðum landsins.

 

Beðið hefur verið eftir heildstæðri stefnu fyrir íslenska heilbrigðisþjónustu frá því að stefnumótun sem Alþingi samþykkti árið 2001 rann sitt skeið árið 2010. 

 

Í  meginatriðum snýst heilbrigðisstefnan um um hvernig skapa megi heildstætt heilbrigðiskerfi fyrir alla landsmenn sem tryggir sjúklingum samfellda þjónustu á réttu þjónustustigi þar sem saman fara gæði, öryggi, skilvirkni og hagkvæmni.

 

Fundurinn á hjúkrunarheimilinu Eyri á Ísafirði 18. júní hefst kl. 17.00.

Dagskrá:

  • Kynning stefnunnar: Svandís Svavarsdóttir heilbrigðisráðherra
  • Sýn forstjóra: Gylfi Ólafsson, forstjóri Heilbrigðisstofnunar Vestfjarða
  • Pallborðsumræður: Þátttakendur í pallborði auk frummælenda verða Helga Sif Friðjónsdóttir deildarstjóri göngudeildar geðsviðs Landspítala, Guðmundur Gunnarsson, bæjarstjóri Ísafjarðarbæjar, Jón Páll Hreinsson, bæjarstjóri á Bolungarvíkurkaupstaðar, Rebekka Hilmarsdóttir, bæjarstjóri Vesturbyggðar, Elsa B. Friðfinnsdóttir skrifstofustjóri í heilbrigðisráðuneytinu.

Fundarstjóri verður Peter Weiss, forstöðumaður Háskólaseturs Vestfjarða.

Fundurinn er öllum opinn og aðgangur ókeypis.

Athygli er vakin á því að streymt verður beint frá fundinum og verður streymið aðgengilegt á síðu Heilbrigðisstofnunar Vestfjarða á facebook.

„Fullt af tćkifćrum fyrir vestan“ - Viđtal viđ Gylfa, Andra og Millu í hlađvarpi LSH

14.06 2019 | Ragnheiđur Eiríksdóttir

Nýverið fékk Heilbrigðisstofnunin góða heimsókn frá samskiptadeid Landspítalans. Landspítalinn er nefnilega fyrir alla landsmenn og samstarf milli stofnananna þess vegna mjög mikilvægt. Eitt af því sem þeir Stefán Hrafn og Ásvaldur frá LSH gerðu í heimsókninni var að setjast niður í kaffispjall með Gylfa forstjóra, Andra framkvæmdastjóra lækninga og Millu starfsmannastjóra. Útkomuna má hlýða á í skemmtilegum hlaðvarpsþætti - smelltu hér til að hlusta

Edrú framhaldsskólanemar og fótgangandi fullorđnir

13.06 2019 | Ragnheiđur Eiríksdóttir
Lýđheilsuvísar Landlćknisembćttis
Lýđheilsuvísar Landlćknisembćttis

Vissir þú að á Vestfjörðum er streita fullorðinna minnst, ölvunardrykkja framhaldsskólanema minnst og hlutfallslega fæstir framhaldsskólanemar sofa of stutt. Allt miðað við landsmeðaltalið. Fullorðnir eru líka duglegri við að nota virka ferðamáta á leið til vinnu, til dæmis göngu eða reiðhjól, og drekka minna gos, á meðan krakkar í efri bekkjum grunnskóla nota síður reiðhjól eða tvo jafnfljóta til að koma sér til og frá skóla. Í nýju gögnunum kemur einnig fram að fleiri fullorðnir á Vestfjörðum sofa of stutt og íbúar eru ólíklegri til að heimsækja sérfræðilækna.

 

Þetta kemur fram í nýjum lýðheilsuvísum sem Landlæknisembættið kynnti á fundi í Reykjanesbæ þann 13. júní. Lýðheilsuvísar eru mælanlegir þættir sem gefa vísbendingu um heilbrigði íbúa, líðan þeirra og aðgengi að heilbrigðisþjónustu svo fátt eitt sé nefnt. Með því að mæla sömu hlutina um allt land má bera saman ýmsa þætti í heilbrigði og líðan þjónðarinnar eftir landshlutum. Bæjarfélög og stofnanir geta nýtt lýðheilsuvísa sem hvatningu til að bæta þjónustu.

...
Meira
Fyrri síđa
1
234567515253Nćsta síđa
Síđa 1 af 53
Vefumsjón