A A A

Endurhćfingardeild og iđjuţjálfun

 

Endurhæfingardeildin er staðsett í kjallara Heilbrigðisstofnunarinnar og þjónar öllu upptökusvæði  hennar. Starfsfólk deildarinnar sinnir endurhæfingu bæði á endurhæfingadeildinni sjálfri, sem og á öðrum deildum:

  • Bráðadeild - þjálfun og æfingar eftir tilfellum.
  • Öldrunarlækningadeild - viðhald hreysti, liðkandi og styrkjandi.
  • Endurhæfingarprógram fyrir eldra fólk.
  • Sjúkraþjálfun barna.
  • Hópæfingar - eldri borgarar, hjartasjúklingar, gigtarsjúklingar, inniliggjandi sjúklingar, starfsfólk.

 

Hvernig er farið í sjúkraþjálfun?

 

  1. Læknir skrifar fyrir þig beiðni og sendir til endurhæfingardeildar.
  2. Starfsfólk deildarinnar hefur samband og boðar þig í tíma til sjúkraþjálfara


Starfsemi deildarinnar

 

Aðstaða  deildarinnar er afar góð. Þar er vel útbúinn æfingarsalur með göngubrettum, þrekhjólum og fjölbreyttum þjálfunartækjum. Einnig er  lítil sundlaug og heitur pottur. Bekkjasalur til einstaklingsmeðferða og öll helstu tæki sem notuð eru í sjúkraþjálfun eins og hljóðbylgjutæki, laser og stuttbylgjutæki auk ljósaklefa sem notaður er til ljósameðferða Psoriasis- og exemsjúklinga skv. læknisbeiðnum. Deildin býður einnig upp á heita og kalda bakstra og vaxmeðferð.



Starfsemi deildarinnar er afar fjölbreytt og skiptist í:

  • Sjúkraþjálfun á legudeildum sjúkrahússins.
  • Endurhæfingarprógram fyrir aldraða.
  • Göngudeildarþjónustu sem sinnir m.a

    - Álagssjúkdómum.
    - Barnasjúkraþjálfun
    - Endurhæfingu eftir slys og aðgerðir
    - Íþróttameiðslum
    - Gigtarmeðferð

  • Hópleikfimi fyrir hjartasjúklinga er tvisvar í viku.
  • Leikfimi á vistheimilinu Hlíf tvisvar í viku.
  • Leikfimi fyrir starfsfólk
  • Deildin er þar fyrir utan opin ellilífeyrisþegum sem  koma og æfa sig sjálfir í sal eða fara í sundlaug og heitan pott.
  • Námskeið í ungbarnasundi eru haldin reglulega undir stjórn íþróttakennara
  • Deildin  er opin fyrir fólk sem hefur verið í meðferð hjá sjúkraþjálfara, eða getur æft sig sjálft eftir prógrammi í samráði við sjúkraþjálfara.

 

Þjónusta stoðtækjafræðings

 

Stoðtækjafræðingur frá Stoð kemur 5-6 sinnum á ári og veitir þjónustu varðandi spelkur, innlegg og önnur hjálpartæki. Tímapöntun er hjá starfsfólki endurhæfingardeildar í síma 450-4558.

Vefumsjón