Öldrunarlækningadeild Heilbrigðisstofnunarinnar er 19 rúma langlegu- og sjúkradeild. Þar starfa hjúkrunarfræðingar, sjúkraliðar og ófaglært starfsfólk við aðhlynningu, auk starfsfólks í eldhúsi og við ræstingar.
Helgi Sigmundsson lyflæknir starfar við deildina og er með fasta viðtalstíma.
Starfsemi og hlutverk
Meginhlutverk deildarinnar er að veita umönnun, hjúkrun og lækningar á sviði öldrunar. Endurhæfing og iðja er einnig stór partur af daglegri umönnun. Áhersla er lögð á heimilislegt og notalegt umhverfi og reynt er að veita sjúklingum og aðstandendum þeirra bestu umönnun og þjónustu sem völ er á.
Á deildinni er rekin iðju- og vinnustofa sem heyrir undir endurhæfingadeild, en hún er opin eftir hádegi alla virka daga. Þar starfa tveir starfsmenn ásamt iðjuþjálfara. Sjúkraþjálfari og starfsfólk frá endurhæfingadeild koma alla virka daga og aðstoða starfsmenn deildarinnar við að hreyfa og endurhæfa sjúklinga.
